كيف دخلت للInsat عام ال1ére année ريت حاجات vraiment أول مرة نراها في حياتي surtout جاية من منطقة داخلية و كل ،أول مرّة نشوف scène في الjournée d’intégration فيها شطيح و غناء j’étais éblouie علخر.. تعديت بdes moments ياسر خايبين و des moments زادة محلاهم علّخر.

أعز حاجة في جماعة الinsat هو le coté artistique ، القراية موجودة partout فل les facs أما أحنا في أي évenement يتعمل في الinsat تشوف les talents إلي عند العباد و أكثر حاجة تبقى في مخك هو le toucher artistique .

الpersonnalité متاعي تبدلت برشا كي تتعرف على العباد هذوكم و أحلامهم الكبيرة الvision متاعك تتبدل ملّي كنت مقتصرة على حكايات ياسر بسيطة اللي مل الصغرة تسخايل هذيكا هي الدنيا تفيق من بعد اللي متعرف حتى شيء ، متعرش الدنيا متعرش كيفاه تعيش كيفاه تعمل علاقات ..

عيشو الدنيا كيف ما لازم تتعاش، متفلت حتى دقيقة ، أي حاجة تحب تعملها أعملها، أي حاجة تحب تقولها لأي حد قولها، ما عندك ما تخسر، تحب تجرب حاجة متأجلش حتى شيء!

العباد اللي دخلو جدد نقلهم متعملوش الparcours classique متاع تدخل تقرا العامين اللولين و بعد تبدا تدخل في الvie associative و les clubs بلعكس profitez ملّول متخليش روحك تغزر من بعيد تو العام الجاي، تو بعد الcycle .. بلعكس هذاكا يعلمك comment gérer le temps تنجم تعمل برشا حاجات en meme temps و تخلّي اللمسة السحرية متاعك

Asma Ghazouani , IIA5