برشا حكايات في الانسات ؛ جيت اول عام في 2011 نتذكر اول حاجة عملتها هي التكويرة مع جماعة السانكيام ؛ اول عام mpi ما كانش طيارة و عاودت العام .. احساس خايب اما قلت نحط في قلبي و ننجح عام جاي. العام ثاني متاعي قريت اما جات الgreve وقتها حسيت اللّي الانسات موش فاك اكهو ..
الانسات عرفتني على برشا عباد محلاهم و صحاب بالحق و عباد تاقف مع بعضها و تفرح لبعضها .. الانسات اكتشفت فيها روحي و عرفت انا شكون و شنوة نحب و بشويا بشويا كل شي تبدل حتى الدنيا و ليت نراها بنظرة اخرى .
خدمت في برشا كلوبات و des événements كيما tunirobots .
عام 4eme سمعت ب thomas jefferson وريت صحابي لي مشاو قبل ياخي عمرت الapplication و عديت لentretien .. نتذكر روحي stressé اكثر م الباك و السيكل . ياسر كانت حاجة حبيت عليها و ياسر فرحت كي تقبلت حسيت لي اي حاجة تحب عليها تنجم توصلها و اللّي الحاجات لي تحلم بيهم و قد ما تحس الحلمة كبيرة على قد ماهي possible. مشيت و سافرت و عشت experience مزيانة برشا و بدلت فيا برشا و surtout تعلمت و تمرمدت ساعات.. و عملت جو.
ما حبيتش نمشي و نروح و اكهو .. حبيت نعمل حاجة و نروح لتونس بحاجة ؛ شاركت انا و صحابي في competition اسمها AEIF ب projet اسمو women Entrepreneurship Institute كي ربحنا حسيت لي بالحق كي تؤمن بفكرة والا حاجة تنجم تعملها و لي تونس فيها برشا ما يتعمل و رجعت بروح جديدة متاع نحب نخدم و نعمل حاجات جديدة و نبدل.
نحب نقول للles insatiens الكل و surtout الmpi و cba ازدموا و ادخلوا للكلوبات و احكيو مع الناس الكل خاطر يتحللولك برشا بيبان . و نحب نقول لي انا grateful للانسات على كل شي و #ijou_gdena

Chiheb Raîs , IMI5.