باهي انا اول ما جيت للانسات ما عجبتنيش برشا الحق .. عباد جدد و تبدل عليا كل شي.. العامين لولانين كنت ديما نروح طول للدار و نقعظ باهتة في العباد لي ديما يقعدوا في الفاك حتى كي ما عندهم ما يعملوا .. نقول يا ربي ياخي ما عندهم ما يعملوا قاعدين في الليل في الفاك .. !
آخي من نص عام الدوزيام هكاكة بدات تبدل برشا حاجات وsurtout à partir من عام ال3eme ..
C’est bon ; تعديتا سيكل وما عادش عيني فالقراية و دخلت للles clubs و من وقتها تبدلوا برشا حاجات و عشت احلى ايامات في حياتي
بالحق عشت احسن ايامات في الانسات و عرفت خوات و صحاب لي بش يقعدولي ديما ديما . ..
تقلبت الvision متاعي على كل شي و وليت كيما العباد لي كنت قبل باهتة فيهم .. بالحق وليت نروح نص اليل مالفاك .. les clubs خلاوني نرى le bon côté متاع الانسات اللي هو ماهوش القراية .
حاسيلو .. كي نتفكر توا لي هذي اخر جمعة ما نصدقش ! كي نتفكر لي هذوما اخر ايامات تشدني الغصة .. بش نتوحشها برشا بالباهي و بالخايب ..
صحة ليكم لي مازال عندكم وقت في الانسات بالحق profitez profitez بربي .. خاطر في لحظة تلفى روحك à deux jours du départ

Nouha Malouche | CH5