أني قدور، مل مكتب إسمي قدور خاطر لقبي قدرية و فينو ياسر donc تطلع قدور !شكوني؟ هااا .. bein عرصة من عرص l’Insat عندي 6 سنين في هالحفرة ،heureusement جاتني هجة لبارح برك .
– محلاها lInsat ؟
-الحق متاع ربي محلاها فلول برك ،peut être أني خاطر كثرت على ما وصاوني وطولت برشا لهنا أما malheureusement فما changement علخر في كل شي les événements ،لعباد،l’ambiance لكلها ،معادش كيما قبل جملا ،قبل راهو لمخاخ لي فما يوقفولك مخك ، من هنا تعمل معاه طرح belote يبدا مجنون ويسمع برشا حاجات ومتثقف علخر وبرشا ambiance متع هبلة وبعد في l’organisation متاع événement ولا حكاية تلقى عبد اخر ،عبد اخر !!كلو منظم . نحكيلكم على l’esprit لي عجبني لهنا في لول وj’espère مازال موجود خاطر لعوام الأخرة مشاركتش برشا في des clubs دونك je peux pas juger أما هاذاك l’esprit متاع l’Insat لي يعجبني .
-كيفاش كنت قبل L’insat وكيفاش وليت بعدها ؟
-كنت unitache علخر genre يقولولي أعمل كلحكاية نعملها ونقعد ،توا لا ،توا تشوف برشا حاجات ،تكتشف روحك en fait،تكتشف شنوا تحب تعمل تكتشف عباد مزيانين علخر وكهو ..
-شنية أحسن souvenir عندك فلfac ؟
-برشة هوما .. lmouvement متاع l’Insat لول ،لعباد لي تعرف اطيب لكل جات وتدخل صباح تلقى جراري مفروشة وعباد راقدة وتشوف لي كي بش نعملوا حاجة نعملوها بالحق بقلب ورب ،sinon زادا l’organisation متاع TUNIROBOTS.
نحب نقول للعباد لي دخلوا جدد جربوا كل شي ،les clubs، lfac ،لعباد ..عيشوا كل شي خاطركم اكاكا بش تكتشفوا الثنية لي بش تكملوا فيها !

Rym Guedria, GL5