عسلامة انا سلمى ترجت ، نقرى CH4، عرفت اسمي ديما ينطقوه بالغالط خاتر يتكتب Trojette بل الفرونساي ياخي لعباد لكل يقولوه ترجت ولا تورجت ، اول عام في الcba انا بحذا ال affichage ملمومين برشا عباد و يقولو يا عندنا طفلة فرانساوية تقرى معانا شكوني شكوني هاهاها
عمري ما تصورت الي باش نقرى في الانسات سمعت بيها من أختي اللي اكبر مني صحابها قراو هوني و ديما تقلي راهي محلاها و انا مكنتش نحب نقرى لا info و لا chimie و biologie ، انا كنت نحب نقرى astronomie أما أحنا معندناش منها في تونس ياخي قلت ايا برا مادام فيها عباد باهين أوكي نمشي
كهو جيت للانسات و لقيتها محلاها I grew up here بالرسمي أنا في ال CBA و أنا توة مش نفس العبد جملة في أربعة سنين يبدلو برشا حاجات ، حاجات محلاهم و حاجات موش محلاهم كيما عام الCH2 فيبالي مش بش نتعدا cycle اما توا مش مصدقة اللي عام الجاي بش نخرج مل الفاك
أكثر حاجة ندمت عليها ل مدخلتش لل clubet من أول عام , كل club يعلمك حاجة كل واحد يمس حاجة في الpersonnalité متاعك
عمري متصورت يجيوني جماعة people of insat خاتر منعرفش شكون يعمل فيها
انت شنوة اسمك؟ من قبيلة نحكيلك على روحي و مسئلتكش انت شكون؟


Salma Trojette | CH4